പുലി മുരുകൻ 100 കോടി കടന്നുവെന്ന് വില്ലൻ

സ‍ർവ്വകാല റെക്കോർഡിലേക്ക് കുതിക്കുകയാണ് മോഹൻലാൽ-വൈശാഖ് കൂട്ടുകെട്ടിൽ പിറന്ന ''പുലിമുരുകൻ''. മലയാളത്തിലെ ആദ്യ നൂറുകോടി ചിത്രമാകുമെന്ന് തന്നെയാണ് എല്ലാവരും കാത്തിരിക്കുന്നത്. അതിനിടയിൽ ഇതിനകം ചിത്രം നൂറുകോടി ക്ലബ്ബിലെത്തിയെന്ന് ചിത്രത്തിലെ വില്ലൻ കഥാപാത്രത്തെ അവതരിപ്പിക്കുന്ന ജഗപതി ബാബു എന്ന ജഗ്ഗുഭായി ഫേസ്ബുക്കിൽ കുറിച്ചു.

എന്‍റെ ആദ്യ മലയാളചിത്രം 100 കോടി ക്ലബ്ബിലെത്തിയെന്ന് കാണിച്ചാണ് ജഗ്ഗുഭായിയുടെ പോസ്റ്റ്. ഏതായാലും ഒക്ടോബർ 7 മുതൽ ഇതിനകം 10,000 ഹൗസ്ഫുൾ ഷോകൾ 20 ദിനം പിന്നിട്ട പുലിമുരുകൻ പ്രദ‍ർശിപ്പിച്ചുകഴിഞ്ഞിട്ടുണ്ട്. എന്നാൽ നൂറുകോടി ക്ലബ്ബിലെത്തിയെന്ന വാ‍ർത്ത സിനിമയുടെ നിർമ്മാതാവും സംവിധായകനുമടക്കമുള്ളവ‍ർ ഔദ്യോഗികമായി പുറത്തുവിട്ടിട്ടുമില്ല.