അമ്പതിൽ പരം ദോശകൾ ചുടുന്ന യന്ത്രവുമായി ഒരു ഇന്ത്യൻ കമ്പനി : വീഡിയോ കാണാം

തീയ്ക്ക് അരികിൽ നിന്ന് കഷ്ടപ്പെട്ട് ദോശ ചുടുന്ന കാലം കഴിയാറായി. ഇതാ ദോശയുണ്ടാക്കുന്ന യന്ത്രം എത്തിക്കഴിഞ്ഞു. ദോശ മാറ്റിക് എന്ന പേരിൽ ഒരു ഇന്ത്യൻ കമ്പനിയാണ് ഈ ദോശയുണ്ടാക്കുന്ന യന്ത്രത്തിന്റെ നിർമാതാക്കൾ.

മാവും എണ്ണയും വെള്ളവും ഒഴിച്ച് കൊടുത്താൽ മതി നല്ല ചൂടൻ ദോശകൾ ഈ യന്ത്രം ചുട്ട് തരും. അമ്പതു തരത്തിൽ പരം ദോശകൾ ഈ യന്ത്രം ചുട്ടു തരുമെന്ന് കമ്പനി  അവകാശപ്പെടുന്നു.

ദോശ പരത്തി ചുട്ട് മടക്കി തരുമെങ്കിലും , വേറെ ചില മനുഷ്യ സഹായങ്ങളൊക്കെ ഈ യന്ത്രത്തിന് ആവശ്യമുണ്ട്. അവശ്യമനുസരിച്ച് മസാലയോ നെയ്യോ ചേർത്ത് കൊടുക്കേണ്ടി വരും. ദോശയുടെ വലിപ്പം എണ്ണയുടെ അളവ് എന്നിവയൊക്കെ യന്ത്രത്തിലെ ബട്ടൺ ഉപയോഗിച്ച് ക്രമപ്പെടുത്താൻ.

വൻകിട ഹോട്ടലുകൾക്ക് വേണ്ടിയാണ് ഈ ദോശ ചുടൽ യന്ത്രം നിർമ്മിച്ചിരിക്കുന്നത് . അത് കൊണ്ട് തന്നെ വിലയും കൂടുതലായിരിക്കും എന്നാണ് കമ്പനി നൽകുന്ന സൂചന . ഏതൊരു പുതിയ സാങ്കേതിക വിദ്യ വരുമ്പോഴും സാധാരണക്കാരന് അത് ഒരു സ്വപ്നമായി അവസാനിക്കാറാണ് പതിവ് . ആ പതിവ് ഇവിടെയും തുടരുമെന്നാണ് ദോശ ചുടൽ യന്ത്രത്തിന്റെ വിലയെ കുറിച്ച് കമ്പനി നൽകുന്ന സൂചന

വീഡിയോ കാണാം :